वीरगंज । पर्सा निर्वाचन क्षेत्र नं. २ अन्तर्गत बहुदरमाई नगरपालिका वडा नं. ६ भौराटारमा राष्ट्रिय स्वतन्त्र पार्टी (रास्वपा)का उम्मेदवार सुशील साह कानुको घरदैलो कार्यक्रम सम्पन्न भएको छ। प्रतिनिधिसभा निर्वाचन लक्षित उक्त कार्यक्रममा जेन्जी युवाहरूको उल्लेख्य सहभागिता देखिएको थियो।
घरदैलोका क्रममा स्थानीय कृषकहरूले तरकारी खेतीका लागि सिँचाइको उचित व्यवस्था, समयमा मल उपलब्ध गराउने व्यवस्था र तरकारी भण्डारणका लागि ‘शीत भण्डार’ आवश्यक रहेको विषय उठाएका थिए। यसप्रति प्रतिक्रिया दिँदै रास्वपाका उम्मेदवारले कानुनले निर्वाचित भए स्थानीय स्तरमै सिँचाइ, मल आपूर्ति र कृषि पूर्वाधारको व्यवस्था मिलाउने प्रतिबद्धता व्यक्त गरेका छन्।
साथै, जेन्जी युवाहरूका लागि उच्च शिक्षा र कृषि शिक्षा स्थानीय स्तरमै उपलब्ध गराउने, बेरोजगार महिला तथा युवालाई प्राविधिक सीप तालिम प्रदान गरी रोजगारी सिर्जना गर्ने विषयलाई प्राथमिकतामा राखिने उम्मेदवारले बताएका छन्। स्थानीय महिलाहरूका लागि पशुपालनसम्बन्धी उच्च सीप तालिम र स्वरोजगारको व्यवस्था गरिने पनि जनाइएको छ।
रास्वपाका अनुसार, वर्षाको पानी र नदीको कारण भोग्दै आएको क्षतिको समाधान गरिने, मल अभाव अन्त्य गरिने र समग्रमा समृद्ध समाज निर्माणतर्फ पहल गरिने बताइएको छ।
