वीरगंज । विद्यार्थीहरूको क्षमता, प्रतिभा र सम्भावनालाई उजागर गर्ने उद्देश्यसहित विद्यार्थी महोत्सव २०२६ भव्य रूपमा सम्पन्न भएको छ।
हिमालयन व्हाइट हाउस अन्तर्राष्ट्रिय कलेजद्वारा प्रस्तुत र प्रेसिडेन्सियल ग्राजुएट स्कूलको सहकार्यमा, साथै एईसीसी ग्लोबल सँगको एसोसिएसनमा आयोजना महाेत्सव सम्पन्न भएकाे हाे । कार्यक्रमका संयोजक रोशन गुप्ताका अनुसार कार्यक्रममा गुरुकुल सीए को–स्पोन्सर र युनिग्लोब कलेज मुख्य स्पोन्सरका रूपमा सहयोगी रहेका थिए ।
रोशन गुप्ताको अध्यक्षतामा सम्पन्न यस ऐतिहासिक कार्यक्रममा १,५०० भन्दा बढी विद्यार्थीहरूले उत्साहजनक सहभागिता जनाए । कार्यक्रममा शैक्षिक मार्गदर्शन, प्रेरणादायी सत्र, करियर विकाससम्बन्धी छलफल र सांस्कृतिक प्रस्तुतीकरणहरू प्रस्तुत गरिएको थियो।
महोत्सव सफल बनाउन आयोजक टिमको महत्वपूर्ण भूमिका रहेको थियो । मुख्य टिम सदस्यहरूमा प्रकाश कर्ण, रामबिनय यादव, आलोक यादव, आलोक ठाकुर र महावीर रजक रहेका थिए।
आयोजक समितिका अनुसार, विद्यार्थी महोत्सव केवल एउटा कार्यक्रम मात्र नभई विद्यार्थीहरूको उज्ज्वल भविष्य निर्माणतर्फको साझा प्रयास हो । यस प्रकारका कार्यक्रमले विद्यार्थीहरूलाई आत्मविश्वासी, सक्षम र अवसरमुखी बनाउने विश्वास व्यक्त गरिएको छ ।
कार्यक्रममा वीरगंज महानगरपालिकाका निमित्त प्रमुख प्रशासकीय अधिकृत अरबिन्द लाल कर्ण, डा. प्रीती यादव, कमल चौगाइ, अरबिन्द श्रेष्ठ, प्रकाश कर्ण, आलोक ठाकुर, अन्कित चौरसिया लगायतको उपस्थिति रहेको थियो ।
