वीरगंज । ६४९औं सन्त शिरोमणि गुरु रविदास जन्मजयन्ती सखुवा प्रसौनी गाउँपालिका वडा नं. २ मा आयोजित कार्यक्रममार्फत सम्पन्न भएको छ। बन्सी दासको अध्यक्षताकाे एवं पर्सा जिल्ला निर्वाचन क्षेत्र नं. ३(१) काे प्रदेश सांसद प्रत्यासी एवं सखुवा प्रसौनी गाउँपालिका युवा नेता शिवकुमार साह तेलीको प्रमुख आतिथ्यमा भएको कार्यक्रम सम्पन्न भएकाे हाे ।
कार्यक्रममा वक्ताहरूले गुरु रविदासजीका अमूल्य उपदेशहरू — समानता, प्रेम, भाईचारा र सत्यको मार्ग — सबैलाई सत्मार्गमा अघि बढ्न प्रेरित गर्ने कुरामा जोड दिएका थिए। उनका दिव्य शिक्षाले समाजमा एकता, सद्भाव र आत्मज्ञानको प्रकाश फैलाउने विश्वास व्यक्त गरिएको थियो।
कार्यक्रममा सखुवा प्रसौनी गाउँपालिका उपाध्यक्ष शर्मिला बिष्ट महतो, लालबाबु राम, हरिलाल राम, सिकन्दर सहनी, राम प्रसाद दास, सटाही दास, बिरबहादुर राम, अमरदिप महरा लगायत स्थानीयको उल्लेखनीय सहभागिता रहेको थियो।
