वीरगंज । पर्सा क्षेत्र नं. ४ का आम जनता पार्टी (आजपा) का उम्मेदवार ईमदाद गद्दीले छिपहरमाई गाउँपालिकामा मतदातासँग प्रत्यक्ष भेटघाट गरेका छन्।
भेटघाटको क्रममा उम्मेदवार गद्दीले स्थानीय जनताको समस्या बुझ्ने, विकासका योजनाहरूको जानकारी दिने र आगामी निर्वाचनमा जनताको विश्वास जित्ने आफ्नो प्रतिबद्धता व्यक्त गरेका छन्। उनले क्षेत्र र जिल्लाकाे विकासकाे लागि चुनाव चिन्ह माेबाइल छापमा मतदान गरेर आफुलाई निर्वाचित गराउन मतदातासंग आग्रह समेत गरहेका हुन् ।
स्थानीय बासिन्दाहरूले पनि उम्मेदवारसँग विचार-विमर्श गर्दै क्षेत्रको विकास, रोजगारी सिर्जना र शिक्षा तथा स्वास्थ्य क्षेत्रमा सुधारको आवश्यकता औंल्याएका छन्।
उम्मेदवारले मतदातासँगको संवादलाई आफ्नो अभियानको महत्वपूर्ण हिस्सा ठहराउँदै, स्थानीय जनताको अपेक्षा र आवश्यकता अनुसार काम गर्ने आश्वासन दिएका छन् ।
