वीरगंज । पर्सा निर्वाचन क्षेत्र नम्बर ३ मा आगामी फागुन २१ गते हुने प्रतिनिधि सभा सदस्य निर्वाचनका लागि ९ जना स्वतन्त्रसहित कुल २३ जनाले उम्मेदवारी दर्ता गराएका छन्। क्षेत्र नं. ३ को निर्वाचन कार्यालयका अनुसार विभिन्न राजनीतिक दल र स्वतन्त्र उम्मेदवारहरूले मनोनयन दर्ता गराएका हुन्।
निर्वाचन कार्यालयले दिएको जानकारीअनुसार नेपाली काँग्रेसबाट सुरेन्द्र प्रसाद चौधरी, नेकपा एमालेबाट रुपेश पाण्डे, नेपाली कम्युनिष्ट पार्टीबाट छोटेलाल प्रसाद यादव, राष्ट्रिय स्वतन्त्र पार्टीबाट रमाकान्त चौरसिया, जनता समाजवादी पार्टी नेपालबाट नागेन्द्र प्रसाद यादव, जनमत पार्टीबाट मालती कुमारी कुशवाहा तथा राष्ट्रिय प्रजातन्त्र पार्टीबाट नविन कुमार सिंहले उम्मेदवारी दर्ता गराएका छन्।
यसैगरी, आम जनता पार्टीबाट मोहम्मद इस्तखार, उज्यालो नेपालबाट रामरूप प्रसाद शाह, नेपाल मजदुर किसान पार्टीबाट सरोज कुमार शाह, नेपाल जनता पार्टीबाट धर्मेन्द्र तिवारी तथा स्वतन्त्रतर्फ ब्रिजकिशोर प्रसाद चौरसिया, रामबहादुर बरै लगायतका उम्मेदवारहरूले पनि मनोनयन दर्ता गराएका छन्।
