वीरगंज । राष्ट्रिय स्वतन्त्र पार्टी (रास्वपा)का वरिष्ठ नेता तथा प्रधानमन्त्रीको उम्मेदवार घोषित बालेन्द्र शाहले संघीयतालाई प्रभावकारी बनाउन प्रदेश संरचनालाई बलियो बनाइनुपर्ने बताएका छन्।
रास्वपाले सोमबार जनकपुरमा आयोजना गरेको कार्यक्रममा सम्बोधन गर्दै शाहले प्रदेश कमजोर हुँदा सामान्य प्रशासनिक निर्णयका लागि समेत काठमाडौं धाउनुपर्ने बाध्यता रहेको बताए । उनले वीरगंजको प्रमुख प्रशासकीय अधिकृत परिवर्तन गर्न काठमाडौं जानुपर्ने अवस्थाको उदाहरण दिँदै भने, “प्रदेश बलियो बनाए मात्र संघीयता व्यवहारमा उतार्न सकिन्छ।”
काठमाडौं अधिकार माग्न हैन, घुम्न जाने शहर बन्नुपर्छ भन्ने धारणा राख्दै शाहले भने, “काठमाडौं अधिकार माग्न होइन, पशुपति र स्वयम्भुनाथ घुम्न जाने हो।”
देश र मधेसको समग्र विकासका लागि रास्वपालाई मत दिन उनले आग्रहसमेत गरे ।
