वीरगंज । मधेश प्रदेशमा नेकपा माओवादी केन्द्रका प्रदेश सभा सदस्य रहबर अन्सारीले पदबाट राजीनामा दिएका छन्। उनको राजीनामा स्वीकृत भइसकेको छ।
पर्सा क्षेत्र नं. १ (क) बाट प्रदेश सभा सदस्यमा निर्वाचित अन्सारी केही दिनअघि नै राष्ट्रिय स्वतन्त्र पार्टीमा प्रवेश गरिसकेका छन्। उनी आगामी प्रतिनिधि सभा निर्वाचनमा बारा क्षेत्र नं. ४ बाट उम्मेदवार उठ्ने तयारीमा रहेका छन्।
केही दिन पहिला मात्र अन्सारीले माओवादी केन्द्रका पूर्वअध्यक्षका रूपमा पुष्पकमल दाहाललाई सम्बोधन गर्दै पार्टी समेत परित्याग गरेका थिए । उनले राजीनामा पत्रको बोधार्थ जनयुद्धका शहीद परिवार, परिवर्तनको चाहनामा संघर्ष गरेकाहरू, अन्ततः सत्ता र सुविधामै केन्द्रित भएकाहरू, अवसरवादीहरू तथा वास्तविक शहीदहरूलाई दिएको उल्लेख गरेका थिए ।
यस अघि उनले प्रदेश सभा बैठकमा आफ्नै मुखमा कालाे मसाे दलेका कारण समेत चर्चामा आएका थिए ।
