वीरगंज । पर्साको पर्सागढी नगरपालिकामा राष्ट्रिय स्वतन्त्र पार्टी (रास्वपा) को पहिलो नगर भेला तथा नगर समिति पुनर्गठन कार्यक्रम आइतबार सम्पन्न भएको छ।
भेलाले कविराज आर्यालको सभापतित्वमा १२ सदस्यीय पर्सागढी नगर समिति पुनर्गठन गरेको हो। समितिको उपसभापतिमा सुनिल रायभर, सचिवमा सर्फु आलम अन्सारी तथा कोषाध्यक्षमा सम्झना कार्की सुवेदी चयन भएका छन्।
त्यसैगरी नगर समितिका सदस्यहरूमा ध्रुवबहादुर खड्का, रबिराज यादव, पुरिन्द्र राम, महमराज सिंह, सनोज कुमार, केदार ठाकुर, धिरेन्द्र राउत र हरेराम राम रहेका छन्।
पर्सागढी नगरपालिका–३ बडनिहार बजारस्थित खेलमैदानमा आयोजित भेलाको उद्घाटन रास्वपाका मधेस प्रदेश संगठन विभाग प्रमुख प्रमोद कुमारले गरेका थिए।
रास्वपा पर्सा क्षेत्र नम्बर–२ का क्षेत्रीय उपसभापति शान्ति ढकाल पौडेलको सभापतित्वमा सम्पन्न कार्यक्रममा पार्टीका प्रदेश सदस्य पुरुषोत्तमदेव उपाध्याय, शिक्षा विभाग प्रमुख सोनालाल पटेल, पर्सा क्षेत्र नम्बर–३ का सभापति मनोज प्रसाद कुर्मी, पोखरिया नगर सभापति प्रदीप कुमार पटेल, बहुदरामाई नगर सभापति चन्दन यादव, रबिराज यादव, नवराज घिमिरेलगायतको उल्लेखनीय उपस्थिति रहेको थियो।
कार्यक्रममा स्वागत मन्तव्य युवा नेता समीर अन्सारीले व्यक्त गरेका थिए भने कार्यक्रमको सहजीकरण नवनिर्वाचित सचिव सर्फु आलम अन्सारीले गरेका थिए।
