वीरगंज । पर्साको कालिकामाई गाउँपालिका वडा नं. २ गदियानीमा २५ सदस्यीय कालिकामाई युवा संजाल गठन गरिएको छ। शत्रुधन साहको अध्यक्षतामा गठित संजालको उपाध्यक्षमा रोहित सहनी, सचिवमा मनु गिरी, सहसचिवमा रामनिवास मण्डल र कोषाध्यक्षमा ब्यास मण्डल सर्वसम्मत चयन भएका छन्।
नवगठित संजालका सदस्यहरूमा बिकी साह, गोलू सहनी, दयानन्द कुशवाहा, राधेश्याम मण्डल, कन्हैया कुशवाहा, सूरज सहनी, छोटू लोहार, निरज मण्डल, ललन मण्डल, रामेश्वर कुशवाहा, मुना गिरी, प्रमुख साह, हिमाचल कुशवाहा, रामायण साह, प्रिंस साहलगायत रहेका छन्। संजालको मुख्य सल्लाहकारमा बुलेट तिवारी र प्रभाकर साह रहेका छन्।
अध्यक्ष शत्रुधन साहका अनुसार युवाहरूका हक–अधिकार स्थापना तथा संरक्षण गर्नु संजालको प्रमुख उद्देश्य हो । नवगठित संजालका सदस्य राधेश्याम मण्डलले पछिल्लो समय राजनीति, सामाजिक विकृति, अन्याय, विभेद तथा अत्याचार बढ्दै गएको र बजेट विनियोजनमा समेत विभेद देखिएको भन्दै त्यसविरुद्ध आवाज उठाउन संजाल गठन गरिएको बताए।
संजालले गाउँमा अमन–चयन, शान्ति, पूजापाठको प्रवर्द्धन, सरल जीवनयापनको अभ्यास तथा गरिब, दिनदुखीलाई सहयोग गर्ने कार्यलाई प्राथमिकता दिने जनाएको छ।
