वीरगंज । पर्साकाे जगरनाथपुर गाउँपालिका वडा नं. ४ मा अति विपन्न तथा असहाय परिवारलाई ४० थान कम्बल वितरण गरिएको छ।
- Advertisement -
समाजसेवी तथा जगरनाथपुर गाउँपालिकाका मेयर प्रत्याशी बृजेश्वर प्रसाद चौधरीले जगरनाथपुर–४ स्थित ब्रिलियन्ट मोडेल इङ्ग्लिस बोर्डिङ स्कुलको प्राङ्गणमा आइतबार बिहानै आयोजना गरिएको कार्यक्रममा स्थानीय अति विपन्न तथा असहाय व्यक्तिहरूलाई कम्बल वितरण गर्नुभएको हो । साथै, सो विद्यालयमा अध्ययनरत साना नानीहरूलाई करिब ८ पोकेट बिस्कुट तथा चाउचाउसमेत वितरण गरिएको थियो ।
चिसो मौसम बढ्दै गएको बेला गरिएको यस सहयोगले स्थानीयहरूलाई राहत मिलेको बताउँदै उपस्थित स्थानीय बासिन्दाहरूले समाजसेवी चौधरीको पहलको खुलेर प्रशंसा गरेका छन् । उनीहरूले यस्ता मानवीय कार्यले समाजमा सकारात्मक सन्देश जाने विश्वास व्यक्त गरेका छन् ।
