वीरगंज । पर्साको कालिकामाई गाउँपालिकास्थित कालिकामाई युवा समाजको दोस्रो वार्षिक साधारण सभा सम्पन्न भएको छ। साधारण सभाले पुनः आकाश चौरसियालाई अध्यक्षतामा १३ सदस्यीय नयाँ कार्यसमिति सर्वसहमत चयन गरेको छ।
नयाँ कार्य समितिमा वरिष्ठ उपाध्यक्षमा आकाश महतो, उपाध्यक्षमा भरत साह, महा सचिवमा विशाल कुशवाहा, सचिवमा सुदिप चौरसिया, कोषाध्यक्षमा बुलट तिवारी रहेका छन् । त्यसैगरी सदस्यमा सविर आलम, मोहन महतो, रमेश चौरसिया, साहजाद आलम, सुजित कुशवाहा, चन्द्रशेखर पटेल, विनय चौरसिया सर्वसहमत चयन भएका छन् ।
अध्यक्ष चौरसियाले संस्थालाई अझ दृढ संकल्पका साथ सर्वोच्च शिखरमा पुर्याउने प्रतिबद्धता व्यक्त गर्दै सम्पूर्ण कार्यसमिति र साधारण सभा सदस्यहरूको सल्लाह र सुझावमा आधारित भएर अघि बढ्ने आश्वासन दिए ।
समाजका संस्थापक अध्यक्ष समेत रहेका अकाश चाैरसियाकाे अध्यक्षतामा सम्पन्न साधारण सभामा कालिकामाई गाउँपालिका वडा नं २ का वडाध्यक्ष सोनालाल प्रसाद चौरसिया, वडा नं १ का वडाध्यक्ष लालबाबु प्रसाद चौरसिया, गैर सरकारी संस्था महासंघ नेपाल पर्साका अध्यक्ष छठु साह, विभिन्न विद्यालयका प्रधानाध्यापक र शिक्षक, वडा सदस्य सञ्जय शर्मा, इलाका प्रहरी कार्यालय कालिकामाईका प्रमुख जगमोहन साह लगायतका स्थानीय युवा र साधारण सभा सदस्यको उपस्थिति रहेको थियो।
