Date
बिहि, मंसिर ३, २०८३
Thu, November 19, 2026

स्थानीय अधिकार कार्यक्रमबाट महिलाको आर्थिक सशक्तीकरणमा सकारात्मक प्रभाव

spot_img
spot_img

वीरगंज । दिव्य विकास स्रोत केन्द्र पर्सा र एक्सनएड नेपालको संयुक्त साझेदारीमा सञ्चालित स्थानीय अधिकार कार्यक्रमअन्तर्गत जिल्ला स्तरीय अनुगमन बिहीबार सम्पन्न भएको छ।

अनुगमन टोलीले पर्साको पटेर्वा सुगौली गाउँपालिकाका वडा नं. १, २ र ४ का विभिन्न टोलमा पुगेर कार्यक्रमबाट भएका उपलब्धि, प्रभाव तथा चुनौतीबारे स्थलगत रूपमा अवलोकन तथा लाभान्वित परिवारहरूसँग प्रत्यक्ष भेटघाट गरेको हो। टोलीले लक्षित वर्गसँग भलाकुसारी गर्दै कार्यक्रमले पारेको सामाजिक तथा आर्थिक प्रभावबारे जानकारी लिएको थियो।

कार्यक्रमअन्तर्गत वडा नं. २ स्थित श्री नेरा प्रा.वि. लक्ष्मीपुरमा खेल सामग्री, शौचालय मर्मत तथा बालविकास शिक्षण–सिकाइमा सहयोग पुग्ने शैक्षिक सामग्री वितरण गरिएको छ। साथै, सोही वडाकी रिमाकुमारी साहलाई तरकारी खेती प्रवर्द्धनका लागि ३० हजार रुपैयाँ नगदसहित मोटर र बिउबिजन सहयोग प्रदान गरिएको छ। बसन्ती देवी रामलाई किराना पसल सञ्चालनका लागि २५ हजार रुपैयाँ नगद सहयोग उपलब्ध गराइएको छ।

लाभान्वित परिवारहरूले कार्यक्रमबाट सहयोग प्राप्त भएपछि आफ्नो आर्थिक अवस्था सुधार भएको र आत्मनिर्भर बन्न सफल भएको प्रतिक्रिया अनुगमन टोलीसमक्ष व्यक्त गरेका छन्।

यस्तै, वडा नं. १ मा गठन भएको महिला श्रमिक समूहको पहलमा ज्यालामा उल्लेख्य वृद्धि भएको पाइएको छ। पहिले १५० देखि २५० रुपैयाँसम्म पाउँदै आएका श्रमिकहरूले हाल ५०० रुपैयाँसम्म ज्याला पाउन थालेको महिला श्रमिकहरूले जानकारी दिएका छन्। सो वडामा पनि कार्यक्रमअन्तर्गत केही महिलालाई आर्थिक सहयोग प्रदान गरिएकाले उनीहरू तरकारी खेती तथा किराना पसल सञ्चालनमार्फत राम्रो आम्दानी गर्न सफल भएका छन्।

महिला श्रमिक समूहकी अगुवा आलमा खातुनले कार्यक्रम लागू भएपछि महिलाहरूको आर्थिक रूपान्तरण भएको र उनीहरू आफ्नै खुट्टामा उभिन सक्षम बनेको बताइन्।

अनुगमन टोलीले वडा नं. ४ स्थित श्री नेरा माविमा किशोरीहरूका लागि निर्माण गरिएको आराम कक्ष तथा छात्रामैत्री शौचालयको समेत अवलोकन गरेको थियो।

अनुगमन टोलीमा जिल्ला समन्वय समिति पर्साका सभापति अजय सर्राफ, उपसभापति परन पटेल, पटेर्वा सुगौली गाउँपालिकाका अध्यक्ष दिनेश चौधरी, उपाध्यक्ष ममता महतो थारु, वडा नं. २ का वडा अध्यक्ष विजय गैरे, नेपाल पत्रकार महासंघ पर्साका प्रतिनिधि रितेश झा, दिव्य विकास स्रोत केन्द्रका महासचिव सोनालाल राउत, कोषाध्यक्ष देवनाथ ठाकुर, कार्यकारी निर्देशक रामाकान्त पटेल, कार्यक्रम संयोजक रिना चौधरीलगायत फोकल पर्सन तथा स्थानीय अधिकार कार्यक्रमका कर्मचारीहरूको सहभागिता रहेको थियो।

अनुगमनमा सहभागी जिल्ला समन्वय समिति पर्साका सभापति अजय सर्राफले कार्यक्रमबाट विशेषगरी पटेर्वा सुगौलीका महिलाहरू तथा लक्षित परिवारहरू प्रत्यक्ष रूपमा लाभान्वित भएको बताए। गाउँपालिका अध्यक्ष दिनेश चौधरीले दिव्य विकास स्रोत केन्द्रले आफ्नो पालिकालाई कार्यक्रमका लागि छनोट गरेकोमा धन्यवाद व्यक्त गर्दै कार्यक्रमले स्थानीयस्तरमा सकारात्मक परिवर्तन ल्याएको उल्लेख गरे।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

जसपा छाडेर रास्वपा र काङ्ग्रेस रोजेका कालिकामाईका दुई वडाध्यक्षको पद गयो

वीरगंज । जनता समाजवादी पार्टी (जसपा) नेपाल त्यागेर अन्य राजनीतिक दलमा प्रवेश गरेका पर्साका दुई वडाध्यक्षसहित १८ जनप्रतिनिधिको निर्वाचित पद रिक्त भएको छ ।...

जालिम मियाँका माइला छोरा बसीर अहमद रास्वपामा प्रवेश

वीरगंज । नेकपा एमालेका नेता एवं पर्साको जगरनाथपुर गाउँपालिकाका पूर्व अध्यक्ष जालिम मियाँका माइला छोरा बसीर अहमद राष्ट्रिय स्वतन्त्र पार्टी (रास्वपा) मा प्रवेश गरेका...

पर्सामा एक महिनामा ११८ अपराधका घटना, १२२ फरार प्रतिवादी पक्राउ

वीरगञ्ज । जिल्ला प्रहरी कार्यालय पर्साले २०८३ साल कात्तिक महिनामा जिल्लाभर अपराध नियन्त्रण, अनुसन्धान, लागूऔषध कारोबार नियन्त्रण तथा अवैध गतिविधिविरुद्ध सञ्चालन गरेका कारबाहीको विवरण...