वीरगंज । वीरगंज उद्योग वाणिज्य सङ्घ र ENSSURE/Helvetas Nepal को संयुक्त आयोजनामा बारा जिल्लाको सिमरा स्थित क्लासिक होटलमा व्यावसायिक सुरक्षा तथा स्वास्थ्य (OSH) विषयक दुईदिने औद्योगिक तालिमको औपचारिक उद्घाटन सम्पन्न भएको छ।
बारा–पर्सा औद्योगिक क्षेत्रअन्तर्गतका १८ वटा उद्योगबाट २७ जना अफिसरहरूको सक्रिय सहभागितामा सञ्चालन भएको उक्त तालिमको उद्घाटन वीरगंज उद्योग वाणिज्य सङ्घका अध्यक्ष हरिप्रसाद गौतमले गरेका थिए । साे अवसरमा जितपुर–सिमरा उद्योग वाणिज्य सङ्घका अध्यक्ष मोहन शर्मा लगायतकाे पनि उपस्थिति रहेको थियो ।
त्यसैगरी वीरगंज उद्योग वाणिज्य सङ्घका उपाध्यक्ष आशिष कुमार लाठ, ENSSURE/Helvetas Nepal परियोजनाका PSE Specialist लोक राज जोशी, मधेस प्रदेश प्राविधिक संयोजक भरत सहनी लगायत उद्योग तथा परियोजनासँग आबद्ध विशिष्ट व्यक्तिहरूको उल्लेखनीय उपस्थिति रहेको थियो।
तालिममार्फत उद्योगहरूमा कार्यरत श्रमिक तथा कर्मचारीहरूको कार्यस्थल सुरक्षा, स्वास्थ्य मापदण्ड, जोखिम न्यूनीकरण र सुरक्षित कार्य संस्कृतिको विकासमा सहयोग पुग्ने विश्वास आयोजकहरूले व्यक्त गरेका छन्। कार्यक्रमले उद्योग क्षेत्रमा सुरक्षित र दिगो उत्पादन प्रणाली प्रवर्द्धन गर्न महत्वपूर्ण भूमिका खेल्ने अपेक्षा गरिएको छ।
