वीरगंज । राष्ट्रिय स्वतन्त्र पार्टी (रास्वपा) को प्रथम वीरगञ्ज महानगर भेलाले महमद महमुद्दिन आलमको सभापतित्वमा २५ सदस्यीय महानगर समिति सर्वसम्मत रूपमा चयन गरेको छ।
नवगठित समितिको उपसभापतिमा परितोष द्विवेदी, सचिवमा गौतम श्रेष्ठ र उपसचिवमा मुन्ना साह चयन भएका छन्। सदस्यहरूमा कमल भुजेल, देबकी गुरुङ, रत्ना मानन्धर, पूर्णिमा शर्मा, सञ्जु शर्मा, कन्हैया प्रसाद, सन्दिप कुशवाह, आस महम्मद मन्सुरी, आजम मिया अन्सारी, विपिन शाह, लक्ष्मी नारायण साह, नगेन्द्र राउत थारु, प्रमोद कुमार पटेल, मुकेश कुमार कुर्मी, उमेश कुमार साह, प्रकाश कुमार कलवार, सदरे आलम, राज कुमार चौरसिया र राजकुमार उपाध्याय चयन भएका छन्।
महानगर भेलाको उद्घाटन गर्न आएका रास्वपाका कार्यबाहक सभापति डी.पी. अर्यालले देशले अब रास्वपाको नेतृत्व खोजिरहेको बताउँदै आगामी निर्वाचनले त्यसलाई स्थापित गर्ने विश्वास व्यक्त गरे। उनले पार्टी सभापतिमाथि राजनीतिक प्रतिशोध साधिएको उल्लेख गर्दै अबको सरकारले त्यसलाई कसरी लिन्छ भन्ने विषय सम्पूर्ण नेपाली जनताले नजिकबाट नियालिरहेको बताए।
भेलाको सभापतित्व गरेका पर्सा जिल्ला सभापति हरी पन्तले पर्सा जिल्लामा राजनीति भ्रष्टाचारी र अपराधीहरूले मात्र गर्ने भन्ने गलत भाष्य निर्माण भएको बताउँदै अब पर्सेली जनताले त्यस्तो गलत नजिर तोड्ने दाबी गरे। उनले पर्साका जनता परिवर्तनको पक्षमा उभिने विश्वास व्यक्त गरे।
कृष्णा पासवानले सहजीकरण गरेको उक्त भेलामा केन्द्रीय सदस्य डा. नन्दन यादव, संगठन विभाग प्रमुख शंकर श्रेष्ठ, नेताहरू जितेन्द्र मिश्र, मनोज कुर्मी, फैयाज मिया, पुरुषोत्तम उपाध्यक्ष, सब्बु कँडेल, दिलीप कुर्मी, राधिका न्यौपाने, मानिस शाहलगायतले आ–आफ्ना मन्तव्य राखेका थिए।
