वीरगंज । दिब्य विकास स्रोत केन्द्र पर्साले आफ्नो बार्षिक कार्यक्रमको १९ औँ सामाजिक लेखाजोखा कार्यक्रम वीरगंजको कलासिक ब्याकिटमा सम्पन्न गरेको छ। कार्यक्रममा जिल्ला समन्वय समिति पर्साका उपप्रमुख पुरन पटेल प्रमुख अतिथि तथा केन्द्रका अध्यक्ष उमेश प्रसाद चौहान अध्यक्षका रूपमा उपस्थित थिए।
कार्यक्रममा नेपाल रेडक्रस सोसाइटी पर्सा शाखाका सभापति बृजकिशोर पटेल, गैर सरकारी संस्था महासंघ नेपाल पर्साका अध्यक्ष छठु साह, पाेखरिया नगरपालिकाकी पूर्व उप प्रमुख सल्मा खातुन, दिब्य विकास स्रोत केन्द्रका कार्यकारी निर्देशक रामाकान्त पटेल, कार्यक्रम संयोजक गणेश ठकुरी, साझेदार संस्थाका प्रतिनिधि, कर्मचारी, स्थानीय पालिकाका प्रतिनिधि, सेवाग्राही र जिल्ला स्तरका सरोकारवालाहरूको पनि उपस्थिति रहेको थियो।
सन् २००६ देखि संचालन हुँदै आएको सामाजिक लेखाजोखा कार्यक्रमले समुदायमा कार्यक्रमको प्रभावकारिता र सहजता बढाएको छ । साथै स्थानीय तथा जिल्ला स्तरका अधिकारवालाहरू र सरोकारवालाहरूमा केन्द्र प्रति सकारात्मक सोच विकास भएको छ, संस्थाले जानकारी दिएको छ ।
