वीरगंज । पर्सा क्षेत्र नम्बर ३ मा रुपेश पाण्डेको राजनीतिक सक्रियता तीब्र बनेको छ । प्रतिनिधि सभा सदस्यमा चुनवा लडने तयारी अन्तर्गत पछिल्लो तीन वर्षदेखि गृहक्षेत्रमा निरन्तर जनसम्पर्क, गृहकार्य र सामाजिक अभियानमा सक्रिय रहेका पाण्डे चुनाव नजिकिँदै जाँदा शुभचिन्तक तथा मतदातासँगको भेटघाटलाई अझै तीव्र बनाइरहेका छन् ।
विद्यार्थी जीवनदेखि नै सामाजिक सेवा तथा राजनीतिक क्षेत्रमा रुचि राख्दै आएका पाण्डे करिब दुई दशकदेखि काठमाडौं सहित देश–विदेशका विभिन्न शहरमा व्यापार व्यवसाय सञ्चालन गर्दै आएका छन् । व्यवसायिक जीवनमै रहँदा स्थानीय दीनदुःखी, विपन्न, दलित तथा असहाय परिवारलाई सहयोग पुर्याइरहेको स्थानीय अगुवाहरूको भनाइ छ ।
पकहामैनपुर–२ निवासी तथा क्षेत्र नं. ३ बाट प्रतिनिधिसभा चुनाव लड्ने तयारीमा रहेका पाण्डेप्रति स्थानीयको भरोसा बढ्दै गएको समर्थकहरूको दाबी छ । नेकपा एमाले तथा नेपाली कांग्रेस दुबै पार्टीबाट टिकट पाउने सम्भावना रहेको बताइए पनि पाण्डेले कुन पार्टीबाट उम्मेदवारी दिने भन्ने खुलासा गरेका छैनन् ।
नेकपाका सह संयाेजक माधव नेपालसँग पनि उनी निकट रहेकाले नेकपाबाट पनि प्रतिस्पर्धामा आउने चर्चा छ । “हुनै बिरुवाको चिल्लो पात” जस्तै, पाण्डेको दवदबा बढ्दै जाँदा प्रतिस्पर्धी नेताहरू चिन्तित रहेको स्थानीयले बताएका छन् ।
सादा, हँसिलो र निडर स्वभावका पाण्डेले आगामी चुनावमा प्रतिस्पर्धा गर्ने पक्का पक्का भएको जनाइएको छ ।
