वीरगंज । भ्रष्टाचारविरुद्धको भण्डाफोर अभियानलाई सशक्त बनाउँदै आम जनता पार्टी (आजपा) ले यही मंसिर २३ गते बाराको रामपुरको पानगाछी चौकमा क्षेत्रीय भेला गर्ने भएको छ ।
परवानीपुर गाउँपालिका–२ को रामपुर टोलमा शुक्रबार बसेको युवाहरूको बैठकले पार्टीका राष्ट्रिय अध्यक्ष प्रभु साहको प्रमुख आतिथ्यतामा भेला सम्पन्न गराउने निर्णय गरेको हो ।
भेलाको सफल आयोजनाका लागि विभिन्न कार्यविभाजनसमेत गरिएको बैठकमा जेनजी आन्दोलनका मागहरू पूरा गराउन यही २६ गते वीरगंजमा हुने मोटरसाइकल र्यालीमा व्यापक सहभागिताको तयारीबारे पनि छलफल भएको आजपाले जनाएको छ ।
बैठकमा आजपाका मधेश प्रदेश अध्यक्ष उमेश कुशवाहा, पार्टी जिल्ला अध्यक्ष राजकिशोर साह, केन्द्रीय सदस्य राकेश बैठालगायतको उपस्थिति रहेको थियो ।
