वीरगंज । मानवसेवा आश्रम वीरगंज शाखाले वीरगंज महानगरपालिका–२५ स्थित बहुवरी ड्राइपोर्ट चोकबाट एक जना मानसिक रूपमा कमजोर पुरुषलाई सोमबार दिउँसो उद्धार गरेको छ। आफ्नो नाम–थर बताउन नसक्ने अन्दाजी ३५ वर्षको ती पुरुषलाई दिउँसो ३:१५ बजे उद्धार गरी आश्रममा भर्ना गरिएको आश्रमले जनाएको छ।
उद्धार कार्यमा मानवसेवा आश्रम वीरगंजका संस्थापक अभियन्ता देवेश गुप्ता, आश्रमकी संयोजक मुना मगर, आश्रममा सेवारत प्रहरी जवान नगेश्वर यादव तथा प्रहरी चौकी श्रीसियाबाट खटिएका सुरक्षाकर्मीहरूको सहभागिता रहेको थियो।
आश्रम पुर्याएपछि उनीको सरसफाइ, नुहाइ–धुहाइ गराई आवश्यक हेरचाह गरिएको छ । अहिले डा. भरत गोईको निगरानीमा उनको स्वास्थ्य अवस्था अनुसार औषधोपचारको व्यवस्था मिलाइने आश्रमले जानकारी दिएको छ।
