वीरगंज । युथ सर्भ फाउन्डेसन र पाब्सन बिरगञ्जबीच ‘Run Together, Rise Together’ म्याराथन कार्यक्रम सफलतापूर्वक सञ्चालन गर्नका लागि एक ऐतिहासिक सम्झौतासम्मति (MoU) सम्पन्न भएको छ। दुवै संस्थाले युवाशक्ति सुदृढीकरण, स्वास्थ्यप्रतिको जागरुकता अभिवृद्धि र समुदायमा एकता प्रवर्द्धन गर्ने उद्देश्यसहित सहकार्य गर्ने प्रतिबद्धता जनाएका छन्।
सम्झौताअनुसार पाब्सन बिरगञ्ज तथा यसको निजी तथा बोर्डिङ स्कूलहरूको नेटवर्कमार्फत म्याराथन कार्यक्रममा बढीभन्दा बढी विद्यार्थी सहभागी गराउने, कार्यक्रमलाई व्यापक बनाउने र समाजमा सकारात्मक प्रभाव विस्तार गर्ने लक्ष्य राखिएको छ।
दुवै पक्षले सहकार्यमार्फत समुदायलाई स्वस्थ, संगठित र प्रेरित बनाउन सकिने विश्वास व्यक्त गरेका छन्। “सँगै दौड, सँगै उठ” भन्ने मूल नाराका साथ अघि बढ्ने यो म्याराथन अभियानले सबै वर्गलाई एकजुट भएर समृद्ध भविष्यतर्फ पाइला चाल्न प्रेरित गर्ने अपेक्षा गरिएको छ।
