वीरगंज । पछिल्ला केही दिनयता पर्साको छिपहरमाई गाउँपालिकामा पशु तस्करीविरुद्ध भइरहेका आन्दोलनका क्रममा संलग्न युवाहरूमाथि धम्की तथा डरधम्कीका घटना बढ्दै गएको भन्दै राष्ट्रिय स्वतन्त्र पार्टी (रास्वपा) पर्सा क्षेत्र नं. ४ का सभापति जितेन्द्र मिश्रले गम्भीर ध्यानाकर्षण गराएका छन्।
मिश्रले तस्करी गर्नु “आमा बेच्नु सरह” भएको उल्लेख गर्दै दोषी जो कोही भए पनि कानूनी दायरामा ल्याई कारबाही गर्न जिल्ला प्रहरी कार्यालय पर्सासँग जोडदार माग गरेका छन्।
उनी भन्छन्, “सद्भाव बिगार्ने तत्वमाथि निष्पक्ष छानबिन होस्, अन्यथा भोलि कुनै अप्रिय परिस्थिति उत्पन्न भए यसको जिम्मेवारी प्रशासनले लिनुपर्छ।”
रास्वपा पर्सा क्षेत्र नं. ४ का सभापति मिश्रले पशु तस्करी नियन्त्रण र सामाजिक सद्भाव कायम राख्न सबै निकायलाई जिम्मेवार र सतर्क रहन आग्रह समेत गरेका छन्।
