जनकपुरधाम । मधेश प्रदेशका सांसद रहबर अन्सारीले आज प्रदेशसभाको बैठकमा आफैंलाई मोसो दलेका छन् । सांसद र दलहरूको नैतिक धरातल समाप्त भएको भन्दै उनले संसदभित्रै यस्तो कदम चालेका हुन्।
मुख्यमन्त्री जितेन्द्र सोनाले विश्वासको मत लिइरहेको बेला अन्तिममा बोल्ने अवसर माग्दै सांसद अन्सारीले सभामुखसँग समय मागेका थिए । तर सभामुख रामचन्द्र मण्डलले उनको माइक बन्द गरेपछि उनी आक्रोशित बनेर आफ्नै अनुहारमा मोसो दलेका हुन्।
अन्सारीले दलहरू सत्ता र स्वार्थमा लिप्त भएको र जनताको आवाज बेवास्ता भइरहेको आरोप लगाउँदै प्रतीकात्मक रूपमा विरोध जनाएका हुन् । संसदभित्रको यस घटनाले सभामा एकछिन हलचल मच्चिएको थियो । अन्सारी तत्कालिन नेकपा माओवादी केन्द्रबाट निर्वाचित पर्साका प्रदेश सांसद हुन् ।
