पोखरिया । पोखरिया नगरपालिकाले पोखरिया इलाका प्रहरी कार्यालयमा प्रमुखका रूपमा कार्यभार सम्हालेका प्रहरी निरीक्षक (इन्स्पेक्टर) प्रदीप पौडेललाई औपचारिक रूपमा स्वागत गरेको छ ।
नगरपालिकाको कार्यालयमा आयोजित कार्यक्रममा पोखरिया नगरपालिकाका नगर प्रमुख प्रदुमन प्रसाद चौहानले इन्स्पेक्टर पौडेललाई स्वागत गर्दै नगर क्षेत्रको शान्ति, सुरक्षा र सुव्यवस्था कायम गर्न सघन समन्वयमा काम गर्न अनुरोध गरे ।
प्रमुख चौहानले भने, “पोखरिया नगरलाई शान्त, सुरक्षित र अपराधमुक्त बनाउन स्थानीय सरकार र सुरक्षाकर्मीबीचको सहकार्य अपरिहार्य छ। नगरपालिकाको तर्फबाट पूर्ण सहयोग रहनेछ।”
इन्स्पेक्टर प्रदीप पौडेलले पनि पोखरिया क्षेत्रको शान्ति सुरक्षा कायम राख्न आफ्नो टोलीसहित प्रतिबद्धता जनाउँदै जनताको विश्वास जित्ने गरी सेवा प्रवाह गर्ने प्रतिवद्धता व्यक्त गरे ।
कार्यक्रममा नगरपालिकाका जनप्रतिनिधि, कर्मचारी, सुरक्षाकर्मी तथा समाजसेवीहरूको उपस्थिति रहेको थियो ।
