वीरगंज । पर्साको वीरगंज महानगरपालिका–८ स्थित रेल्वे रोडको सडक पेटीमा एक अज्ञात पुरुष मृत अवस्थामा फेला परेका छन्।
- Advertisement -
आइतबार अन्दाजी दिउँसो १२:१५ बजेको समयमा अन्दाजी ३५/३६ वर्ष उमेरका मागी खाने पुरुष व्यक्ति मृत फेला परेको जानकारी पाएपछि प्रहरी टोली घटनास्थल पुगेको जिल्ला प्रहरी कार्यालय पर्साले जनाएको छ।
विर्तास्थित प्रहरी चौकीबाट प्रहरी निरीक्षक निरोज चौलागाईको कमाण्डमा खटिएको टोलीले मुचुल्का तथा प्रारम्भिक अनुसन्धान कार्य सम्पन्न गरी शवलाई पोष्टमार्टमका लागि नारायणी अस्पताल, वीरगंज पठाएको हो।
घटनास्थल इलाका प्रहरी कार्यालय घण्टाघरबाट करिब २०० मिटर पूर्वतर्फ पर्ने स्थानमा रहेको बताइएको छ।
यस सम्बन्धमा थप अनुसन्धान भइरहेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक हरि बहादुर बस्नेतले जानकारी दिए ।
