वीरगंज । आम जनता पार्टी (आजपा) बारा जिल्लाको बिश्रामपुर गाउँपालिका कमिटी गठन गरिएको छ । पार्टीले शुक्रबार जारी गरेको प्रेस विज्ञप्ति अनुसार लक्षमन बिनकाे अध्यक्षतामा ८५ सदस्यीय गाउँपालिका कमिटी गठन भएकाे हाे ।
पार्टीका बारा जिल्ला कमिटी अध्यक्ष राजकिशोर साहद्वारा जारी विज्ञप्तिमा रबि साहलाई इन्चार्ज र रमेश कुशवाहालाई सह–इन्चार्जको जिम्मेवारी दिइएको छ।
नवनिर्वाचित गाउँ कमिटीकाे उपाध्यक्षमा धर्मेन्द्र पटेल, नागेन्द्र पाल, राजा हुसेन शेख, गिरधारी कुशवाहा, उपेन्द्र कुशवाहा, शिवपुजन शराफ र बिनोद कुशवाहा चयन भएका छन्।
त्यस्तै, नवगठित समितिकाे सचिवमा सोनालाल चौरसिया, सह सचिवमा निराजन साह, नबिन कुशवाहा र पपु यादव, काेषाध्यक्षमा मुनि कुमारी कुशवाहा र सदस्यहरुमा कमलेस यादव, राजकुमार कुशवाहा, बिदयलाल कुशवाहा, शम्भु कुशवाहा लगायतका रहेका छन्।
आजपाका मधेश प्रदेश अध्यक्ष उमेश कुशवाहाले नवनियुक्त सम्पूर्ण पदाधिकारी तथा सदस्यहरूलाई हार्दिक बधाई ज्ञापन गर्दै सफल कार्यकालको शुभकामना दिएका छन् ।
