वीरगंज । श्री दुर्गा मन्दिर पूजासमिति, गंगा पिपरा (रौतहट) ले दुर्गा पूजा मेला उत्सवको क्रममा शान्ति–सुरक्षा, ट्राफिक व्यवस्था र भीड नियन्त्रणमा उल्लेखनीय योगदान पुर्याएको भन्दै इलाका प्रहरी कार्यालय गंगापिपराका प्रहरी नायब निरीक्षक (सई) गौरव कुमार दासलाई प्रशंसा–पत्र प्रदान गरेको छ ।
कार्यक्रममा प्रमुख अतिथि गंगा पिपरा गाउँपालिकाका अध्यक्ष शम्भु कुमार सिंह र विशेष अतिथि प्रहरी उपरीक्षक (एसपी) नेत्र मणि गिरी रहेकाे कार्यक्रममा उनलाई प्रशंसा पत्रले सम्मान गरिएकाे थियाे । उनीहरूले नायब निरीक्षक दासको नेतृत्वमा कार्यरत सम्पूर्ण प्रहरी टोलीले मेलाको समयमा देखाएको तत्परता, व्यावसायिकता र सेवाभावको प्रशंसा गर्दै निरन्तर यसैगरी सहयोगात्मक भूमिका निभाइरहन शुभकामना व्यक्त गरे ।
समितिका अध्यक्ष शैलेन्द्र कुमार सिंह र सचिव छोटान सिंहले संयुक्त रूपमा प्रशंसा–पत्र प्रदान गर्दै दुर्गा पूजा मेला सफल बनाउन प्रहरी प्रशासनको उल्लेखनीय योगदान प्रति धन्यवाद ज्ञापन गरे ।
