वीरगंज । जिल्ला प्रहरी कार्यालय पर्साले वीरगंज महानगरपालिका–१६ फुलवारी टोलस्थित एक होटलमा चलिरहेको जुवाखालबाट दुई जनालाई पक्राउ गरेको छ।
आइतबार राति करिब ९ः४५ बजे रोशन रौनियारले सञ्चालन गरेको होटलमा जुवातास खेलिरहेको भन्ने विशेष सूचनाका आधारमा खटिएको प्रहरी टोलीले उक्त स्थानमा छापा मार्दा जुवा खेलिरहेको अवस्थामा दुई जनालाई नियन्त्रणमा लिइएकाे जिल्ला प्रहरी कार्यालय पर्साका प्रवक्ता प्रहरी नायब उपरीक्षक किशोर लम्सालले जानकारी दिए ।
प्रहरीका अनुसार पक्राउ पर्नेहरूमा वीरगंज महानगरपालिका–१६ बस्ने ३० वर्षीय श्यामबाबु राय र वडा नं. १५ बस्ने २५ वर्षीय अनन्त कुमार गुप्ता रहेका छन्।
प्रहरीले घटनास्थलबाट जुवासम्बन्धी सामग्री र नगद समेत बरामद गरेको जनाएको छ । पक्राउ परेका व्यक्तिहरूमाथि थप अनुसन्धान भइरहेको प्रवक्ता लम्सालले वताए ।
