वीरगंज । राष्ट्रिय स्वतन्त्र पार्टी (रास्वापा) पर्साले जेन्जी शहीदहरुको सम्झनामा बिहीवार साँझ वीरगंजकाे घण्टाघरमा श्रदाञ्जली सभा आयोजना गरेको छ। कार्यक्रममा सहभागीहरुले मैनबती बाल्दै मौनधारण गरेका थिए।
रास्वापा पर्सा सभापति हरी पन्तले गत भाद्र २३ र २४ गते जेन्जी पुस्ताका युवाहरुले ४८ घण्टाभित्र गरेको राजनीतिक हस्तक्षेपमा तत्कालीन सरकारले गरेको निर्मम दमनमा वीर युवाहरु सहिद भएको एक महिनाभन्दा बढी भइसकेको बताए। उनले शहीदहरुको सम्झनामा आजको सभा आयोजना गरिएको जानकारी दिएका छन्।
सभापति पन्तले ती निर्दोष युवाहरुको हत्यामा संलग्नलाई तत्काल कारबाही गरी शहीदहरुको सम्मान गर्न सरकारसँग माग गरेका छन्।
श्रदाञ्जली सभामा रास्वपाका केन्द्रिय सदस्य नन्दन यादव, क्षेत्रीय सभापति जितेन्द्र मिश्रा, राम आर्या, चन्दन यादव, कृष्णा पासवान, दिपराज पटेल, दिलीप कुर्मी लगायतका नेताहरु उपस्थित थिए।
