काठमाडौँ । पर्सा र बारामा हैजा रोकथामको लागि खोप अभियान सञ्चालन हुने भएको छ । यस अभियानको आयोजना स्थानीय हैजाका महामारी र हालैको वर्षापछि आएको बाढीले सिर्जना गरेको उच्च जोखिमलाई ध्यानमा राखेर गरिएको हो।
गत भाद्र ६ मा पर्साको वीरगंज–१२ मुरली टोलबाट सुरु भएको हैजाका कारण हालसम्म पर्सा र बारामा १,६८५ जना बिरामी भएका छन्। परिवार कल्याण महाशाखाका निर्देशक डा. विवेक लालले बिहिबार पत्रकार सम्मेलनमा जानकारी दिनुभयो कि “हैजा रोग विरुद्धको प्रतिकार्य खोप अभियान, २०८२” असोज–कात्तिक महिनामा सञ्चालन हुनेछ।
पर्सामा अभियान असोज २६ गतेदेखि, र बारामा असोज २९ गतेदेखि सुरु भएर तिहारअघि सम्पन्न गरिने छ। स्वास्थ्य सेवा विभागको व्यवस्थापन महाशाखाले यसका लागि १० लाख १८ हजार १०० मात्रा खोप पर्सा र बारामा उपलब्ध गराउने तयारी गरेको छ।
एक वर्षभन्दा माथि उमेर समूहका सबै व्यक्तिलाई मुखबाट दिने सुरक्षित प्रतिकार्य खोप उपलब्ध गराइनेछ। गर्भवती महिला र स्तनपान गरिरहेकी महिलालाइ पनि यो खोप दिइने जनाइएको छ।
