Date
बुध, मंसिर २, २०८३
Wed, November 18, 2026

वीरगंजकाे एक होटलमा दुई भारतीय नागरिककाे शव फेला

spot_img
spot_img

वीरगंज । वीरगंजकाे बसपार्क भानुचोकस्थित शाह प्याराडाइस होटलमा दुई भारतीय नागरिक मृत अवस्थामा फेला परेका छन्। होटलको पहिलो तल्लाको कोठा नम्बर १११ मा फेला परेका मृतकहरू भारतको त्रिपुरा राज्यका ६७ वर्षीय सजल आचारजी र उनका २४ वर्षीय छोरा सागर आचारजी रहेको जिल्ला प्रहरी कार्यालय पर्साले पुष्टि गरेको छ।

प्रहरीका अनुसार मृतक बुवा–छोराले असोज १९ गते बिहान ४ बजे होटलमा कोठा लिएका थिए । मंगलबार साँझसम्म कोठाको ढोका नखुलेपछि र बारम्बार सम्पर्क प्रयास असफल भएपछि होटल सञ्चालकले प्रहरीलाई खबर गरेका थिए।

जिल्ला प्रहरी कार्यालय पर्साका डिएसपी किशोर लम्सालका अनुसार प्रहरी टोलीले छेउको कोठाको भेन्टिलेटर च्यातेर अवलोकन गर्दा छोरा सागर पंखामा झुन्डिएको र बुवा सजल बेडमा पल्टिएको अवस्थामा देखिएका थिए ।

होटल स्रोतका अनुसार मृतकहरूले सोमबार दिउँसोसम्म नियमित रूपमा रुम सर्भिस र खाना मागेका थिए, तर साँझदेखि सम्पर्कविहीन बनेका थिए । मंगलबार बिहान सरसफाइका लागि पठाइएका कर्मचारीले पनि ढोका नखुलेपछि शंका बढ्दै गएको थियो ।

डिएसपी लम्सालले भने “मृतक भारतिय नागरिक भएकाले हामी भारतीय महावाणिज्य दूतावास वीरगंजलाई पनि खबर गरेका छाैं । बुधबार विहान होटलको ढोका फुटाईएर शव मुचुल्का उठाउने काम भइरहेको छ ।”

मंगलबार रातभर होटल परिसरमा प्रहरी टोली खटाइएकाे थियाे भने आज बुधबार विहान ढोका फुटाएर हेर्दा एक जनाले आत्महत्या गरेको देखिएपनि एक जनाको मृत्युको कारण  एकिन हुन नसकेको डिएसपी लम्सालले बताए ।

शवको पोस्टमार्टम र अन्य कानुनी प्रक्रिया भारतीय दूतावासको समन्वयमा अघि बढाइने उनले वताए । पोस्टमार्टमको रिपोर्ट आईसकेपछी मात्र थप कुरा खुल्ने प्रहरीको भनाई छ ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

जालिम मियाँका माइला छोरा बसीर अहमद रास्वपामा प्रवेश

वीरगंज । नेकपा एमालेका नेता एवं पर्साको जगरनाथपुर गाउँपालिकाका पूर्व अध्यक्ष जालिम मियाँका माइला छोरा बसीर अहमद राष्ट्रिय स्वतन्त्र पार्टी (रास्वपा) मा प्रवेश गरेका...

पर्सामा एक महिनामा ११८ अपराधका घटना, १२२ फरार प्रतिवादी पक्राउ

वीरगञ्ज । जिल्ला प्रहरी कार्यालय पर्साले २०८३ साल कात्तिक महिनामा जिल्लाभर अपराध नियन्त्रण, अनुसन्धान, लागूऔषध कारोबार नियन्त्रण तथा अवैध गतिविधिविरुद्ध सञ्चालन गरेका कारबाहीको विवरण...

गौरको नेपाल–भारत सीमा क्षेत्रबाट ९ एमएमका २७ थान गोली बरामद

रौतहट । रौतहटको गौर नगरपालिका–१ कानुपट्टीस्थित नेपाल–भारत सीमा क्षेत्रबाट सुरक्षाकर्मीले ९ एमएमका २७ थान गोली बरामद गरेका छन्। मंगलबार सीमा क्षेत्रमा गस्ती गर्ने क्रममा सशस्त्र...