वीरगंज । इरानको उर्मिया शहरमा अक्टोबर ८ देखि ११ तारिखसम्म आयोजना हुने ७औं एसियाली जुर्खानी कुश्ती पहलवानी च्याम्पियनसिपमा वीरगंजका सुजित यादव सहभागी हुने भएका छन्।
- Advertisement -
वीरगंज–१७ निवासी ७० किलोग्राम तौल समूहका पहलवान यादवले नेपालबाट प्रतिनिधित्व गर्दै उक्त अन्तर्राष्ट्रिय प्रतियोगितामा सहभागिता जनाउनेछन् । उनले कुश्ती जुर्खानी खेलको प्रवर्द्धन गर्दै अन्तर्राष्ट्रिय मञ्चमा नेपालको नाम उच्च राख्ने लक्ष्य राखेका छन्।
उक्त प्रतियोगिता एसिया भरिका जुर्खानी पहलवानहरूको साझा मञ्च हो, जहाँ शारीरिक बल, अनुशासन र सांस्कृतिक सम्पदाको समन्वय प्रस्तुत गरिन्छ।
नेपाल जुर्खानी फेडेरेसन तथा राष्ट्रिय खेलकुद परिषद् (राखेप)को सहकार्यमा यादवको सहभागिता सुनिश्चित गरिएको हो ।
