वीरगंज । वीरगंज महानगरपालिकाले निरन्तर भइरहेको भारी वर्षाका कारण उच्च सतर्कता अपनाउन नागरिकलाई आग्रह गरेको छ। जल तथा मौसम पूर्वानुमान विभागको सूचना अनुसार अझै केही दिनसम्म भारी वर्षा हुने सम्भावना कायमै रहेकाले बाढी र डुबानको जोखिम बढ्न सक्ने महानगरले जनाएको छ।
महानगरका अनुसार भेडाहा खोला, तिलावे नदी र सिर्सिया नदीमा पानीको सतह तीव्र रूपमा बढ्दै गएको छ। यसबाट आसपासका क्षेत्रहरूमा डुबानको जोखिम देखिएपछि नगर प्रहरी, विपद् व्यवस्थापन, स्वास्थ्य, विद्युत् र सरसफाइ शाखाका टोलीहरूलाई तयारी अवस्थामा राखिएको छ।
सम्भावित विपद् र उद्धार कार्यका लागि निम्न जिम्मेवार व्यक्तिहरूका सम्पर्क नम्बर समेत महानगरले सार्वजनिक गरेको छ । जुन यश प्रकार छन् :
📞 आशिक मिया (नगर प्रहरी) – ९८०४२७७०५५
📞 विभा मिश्रा (विपद् व्यवस्थापन) – ९८४५०९५१२१
📞 सर्फुदिन मिया (पानी निकास) – ९८१६२८५००५
📞 राजिव उपाध्याय (विधुत व्यवस्थापन) – ९८४९०३५७१५
📞 राजु प्रसाद साह (स्वास्थ्य) – ९८४५३३१३८१
महानगरले सम्भावित जोखिमलाई ध्यानमा राख्दै स्थानीय बासिन्दालाई अनावश्यक रूपमा घरबाहिर ननिस्कन, नदी–नालाको किनारमा नजान, बालबालिका र वृद्धहरूको विशेष हेरचाह गर्न, तथा विद्युतीय उपकरणहरू सुरक्षित स्थानमा राख्न अनुरोध गरेको छ।
“सुरक्षित रहनुहोस्, सतर्क रहनुहोस्,” वीरगंज महानगरपालिकाले एक सूचना मार्फत सर्वसाधारणलाई आह्वान गरेको छ।
