वीरगंज । सर्लाही जिल्लाको हरिपुवामा ढिस्कोले पुरिँदा चार जनाको मृत्यु भएको छ ।
- Advertisement -
हरिपुवा नगरपालिका–१ हर्दी खोलाको किनारमा माटो खन्ने क्रममा महोत्तरीको सोनमा गाउँपालिका–६, मगरथानाका बासिन्दा ६५ वर्षीया सायदा खातुन, ६ वर्षीया सविवा खातुन, ८ वर्षीय डिल्लु मन्सुर र ९ वर्षीया नर्गिस खातुन ढिस्कोले पुरिँदा ज्यान गएको जिल्ला प्रहरी कार्यालयका सहायक प्रवक्ता बलिष्ठर सिंहले जानकारी दिए ।
ढिस्कोले पुरिएका उनीहरूलाई तत्काल उद्धार गरी स्थानीयले प्रादेशिक अस्पताल मलङ्गवा पुर्याए पनि अस्पताल पुगे लगत्तै चिकित्सकले मृत घोषणा गरेका थिए ।
