वीरगंज । वीरगंजमा शनिबार राति एक अज्ञात गर्भवती महिलालाई उद्धार गरी मानवसेवा आश्रममा राखिएको छ।
- Advertisement -
वडा प्रहरी कार्यालयका प्रहरी सहायक निरीक्षक भुलेंद्र गिरि र समाजसेवी प्रकाश थारुले अन्दाजी ३० वर्षकी ती महिलालाई मानवसेवा आश्रम वीरगञ्ज शाखामा पुर्याएका हुन्। महिलाले आफ्नो नाम, थर र ठेगाना प्रष्ट बताउन नसकेकी कारण आश्रममार्फत उनको पहिचान खुलाउने प्रयास भइरहेको आश्रमले जनाएको छ।
मानवसेवा आश्रम वीरगंजका संस्थापक अभियन्ता देवेश गुप्ताका अनुसार महिलालाई नारायणी अस्पतालमा हेमा थापाको निगरानीमा स्वास्थ्य जाँच र उपचार गरिनेछ भने मानसिक स्वास्थ्य परीक्षण तथा उपचार डा. भरत गोइतको देखरेखमा हुनेछ।
उद्धार गरिएको महिला हाल सुरक्षित अवस्थामा रहेको आश्रमले जनाएको छ।
