वीरगंज । पर्साको छिपहरमाई गाउँपालिका–५ भिस्वामा बिहीबार साँझ भएको गोली प्रहारमा एक किशोर घाइते भएका छन् । घाइते हुनेमा सोही वडाका अन्दाजी १६ वर्षीय गोलु आलम धुनिया रहेका छन्।
- Advertisement -
स्थानियका अनुसार छिपहरमाई गाउँपालिका कार्यालय अगाडीकाे सडकमा अज्ञात समुहले चलाएकाे गोली आलमको तिघ्रामा लागेकाे छ । घाइते किशाेरकाे वीरगंजस्थित नारायणी अस्पताल उपचार भइरहेकाे छ ।
घटना पछि प्रहरीले अनुसन्धान अघि बढाएको छ । पर्सा प्रहरी प्रमुख एसपी सुदीपराज पाठकले गोली प्रहारमा अन्दाजी १६ बर्षिय किशाेर घाइते भएको पुष्टि गरे । प्रहरीले घटनामा संलग्न रहेको आरोपमा दुई जनालाई नियन्त्रणमा समेत लिएकाे छ ।
प्रहरीले गोली चलाउनेको कारण र घटनाको पूर्ण विवरण अनुसन्धानपछि सार्वजनिक गर्ने जनाएको छ।
