दैलेख । अख्तियार दुरुपयोग अनुसन्धान आयोगको कर्णाली प्रदेश कार्यालयले दैलेखको डुङ्गेश्वर गाउँपालिकाका लेखा प्रमुखलाई घुससहित पक्राउ गरेको छ।
गाउँपालिकाका सातौँ तहका वरिष्ठ लेखा अधिकृत टङ्कबहादुर कार्कीलाई सुर्खेतको वीरेन्द्रनगर नगरपालिका–९ मङ्गलगडी चोकबाट आइतबार राति अख्तियारको टोलीले नियन्त्रणमा लिएको हो । उनी सेवाग्राहीसँग रु १ लाख घुस लिएको अवस्थामा पक्राउ परेका हुन् ।
अख्तियारका अनुसार गाउँपालिकाको सडक स्तरोन्नति तथा निर्माण सम्पन्नको अन्तिम भुक्तानी दिने क्रममा सेवाग्राहीसँग घुस लिएको रकमसहित उनलाई पक्राउ गरिएको हो ।
अख्तियारको केन्द्रीय कार्यालयका प्रवक्ता राजेन्द्रकुमार पौडेलका अनुसार पक्राउ परेका कार्कीमाथि आवश्यक अनुसन्धान सुरु गरिएको छ ।
