वीरगंज । पर्साकाे वीरगंज महानगरपालिका–१४ स्थित चिनिमिल आवास क्षेत्र पर्यटन विकास कार्यालय अगाडिबाट एक जना पुरुषलाई मानवसेवा आश्रम वीरगंज शाखाले उद्धार गरेको छ।
२०८२ असोज ६ गते सोमबार दिउँसो २:४५ बजे उद्धार गरिएको उक्त पुरुषको उमेर अन्दाजी ३५ वर्षको छ भने उनले आफ्नो नाम र थर प्रष्ट बताउन नसकेको आश्रमले जानकारी दिएको छ।
उद्धार कार्यमा मानवसेवा आश्रम वीरगंजका संस्थापक अभियन्ता देवेश गुप्ता, सामाजिक अभियन्ता प्रकाश थारु, बिर्गञ्ज उद्योग वाणिज्य संघका अध्यक्ष हरि गौतम, आश्रमका केन्द्रीय सदस्य विवेक महतो, प्रहरी चौकी गण्डकका प्रहरी हवल्दार लाल बाबु प्रसाद कुशवाहा तथा आश्रमका स्वयंसेवक दिपान्सु पटेल, सरोज बी.के. र दिपेन्द्र चौधरी सहभागी थिए।
आश्रममा लगेर नुहाइधुहाइ र सरसफाइ गरिएको उक्त पुरुषको स्वास्थ्य परीक्षण तथा उपचार डा. भरत गोइको निगरानीमा गरिने आश्रमले जनाएको छ।
