Date
मङ्ल, मंसिर १, २०८३
Tue, November 17, 2026

निर्धारित समयमै निर्वाचन सम्पन्न गर्न सबैलाई राष्ट्रपति पौडेलको आह्वान

spot_img
spot_img

काठमाडौं । राष्ट्रपति रामचन्द्र पौडेलले संविधान दिवसका अवसरमा विशेष सम्बोधन गर्दै मुलुकलाई सुशासन, समावेशी विकास र भ्रष्टाचारमुक्त बनाउने आह्वान गर्नुभएको छ । नयाँ जनादेशले लोकतन्त्रलाई थप संस्थागत गर्दै मुलुकको आगामी बाटो तय गर्ने विश्वास व्यक्त गर्दै उहाँले अन्तरिम सरकारले छ महिनाभित्र निर्वाचन सम्पन्न गरी जनप्रतिनिधिमूलक संस्थालाई सत्ता हस्तान्तरण गर्ने तयारी गरेको जानकारी दिनुभयो ।

दुई दिनको विरोध प्रदर्शनमा मुलुकले अकल्पनीय मानवीय र भौतिक क्षति व्यहोरेको स्मरण गर्दै राष्ट्रपति पौडेलले जीवन गुमाएका युवाप्रति गहिरो संवेदना प्रकट गर्नुभयो । उहाँले भन्नुभयो, “राष्ट्रको अभिभावकका रूपमा मुलुकले ती कर्णाधार युवाहरू गुमाउँदाको पीडा अनुभूत गर्न सक्छु । आज संविधान दिवसका दिन म ती युवाहरूको जागरुकता र सदिच्छा स्मरण गर्न चाहन्छु ।”

राष्ट्रपतिको भनाइमा नेपालमा रहेको सांस्कृतिक, प्राकृतिक र भौगोलिक विविधतामा असीमित सम्भावना छन् र ती सम्भावनालाई न्यायोचित रूपमा उपयोग गर्न सके आम नेपालीको जीवनस्तरमा रूपान्तरण ल्याउन सकिनेछ । उहाँले संविधानले लोकतन्त्रमा आधारित समाजवादउन्मुख अर्थतन्त्रको लक्ष्य लिएको उल्लेख गर्दै सामाजिक सुरक्षा, समान पहुँच र समावेशी विकासलाई प्राथमिकतामा राख्न आग्रह गर्नुभयो ।

राष्ट्रपति पौडेलले भ्रष्टाचार र बेथितिको अन्त्य, रोजगारी सृजना, वातावरणीय दिगोपन र सामाजिक न्यायलाई संविधानको मर्मअनुसार अघि बढाउनुपर्नेमा जोड दिनुभयो । उहाँले जेनजी पुस्ताले उठाएको मागलाई सबैले मनन गरी सुधारको बाटो समाउन आग्रह गर्नुभयो ।

समारोहमा उपराष्ट्रपति रामसहायप्रसाद यादव, प्रधानमन्त्री सुशीला कार्की, प्रधानन्यायाधीश प्रकाशमानसिंह राउत, सभामुख देवराज घिमिरे, राष्ट्रियसभाका अध्यक्ष नारायणप्रसाद दाहाल, पूर्वराष्ट्रपतिद्वय डा. रामवरण यादव र विद्यादेवी भण्डारी, पूर्वप्रधानमन्त्रीहरू पुष्पकमल दाहाल ‘प्रचण्ड’, झलनाथ खनाल, माधवकुमार नेपाल, डा. बाबुराम भट्टराई लगायत जेनजी पुस्ताका प्रतिनिधि, संवैधानिक निकायका प्रमुख, सुरक्षा निकायका प्रमुख तथा नेपालस्थित कूटनीतिक नियोगका प्रतिनिधिहरूको समेत सहभागिता थियो ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

बर्वा छठघाटमा डिजेको आतंक मच्चाउने पाँच जना प्रहरी नियन्त्रणमा

वीरगञ्ज । छठघाटमा ठूलो आवाजमा डिजे बजाएर सार्वजनिक स्थलमा अशान्ति मच्चाएको तथा शान्ति सुरक्षामा खलल पुर्‍याएको आरोपमा पर्सा प्रहरीले पाँच जनालाई पक्राउ गरेको छ...

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...