वीरगंज । रोटरी क्लब अफ वीरगंजले कावेरी एकेडेमीमा मोबाइल लत न्यूनीकरण तथा रोकथाम विषयक विशेष कार्यक्रम आयोजना गरेको छ । कार्यक्रम विशेष गरी अभिभावक र शिक्षकहरूलाई लक्षित थियो।
कार्यक्रममा स्रोत व्यक्ति (Resource Person)का रूपमा पूर्व अध्यक्ष रोटे. डा. आनन्द कुमार झाले मोबाइल लतका कारण विद्यार्थीहरूको अध्ययन, स्वास्थ्य र व्यवहारमा पर्न सक्ने नकारात्मक असरबारे विस्तृत जानकारी दिनुका साथै मोबाइल प्रयोगलाई सन्तुलित बनाउने उपायहरू प्रस्तुत गरे।
रोटरी क्लब अफ वीरगंजका अध्यक्ष रोटेरियन गोपाल खेतान, पूर्व अध्यक्ष तथा एडिक्शन एण्ड प्रिभेन्सन कमिटी अध्यक्ष (जिल्ला ३२९२) रोटेरियन सोहन पोद्दार, सचिव रोटेरियन डीडी केडिया र रोट्राक्टर आयुष गुप्ता (एड टु DRR, जिल्ला ३२९२) लगायतको उपस्थितिमा कार्यक्रम सम्पन्न भएको हो।
कावेरी एकेडेमीकी डाइरेक्टर आयुषी अग्रवाल, प्रिन्सिपल, भाइस प्रिन्सिपल तथा अन्य शिक्षकहरू पनि कार्यक्रममा सहभागी थिए।
कार्यक्रममा मोबाइलको दुरुपयोगबाट विद्यार्थीमा पर्न सक्ने शारीरिक, मानसिक र सामाजिक असरबारे छलफल गरिएको थियो। सहभागीहरूले यस्तो कार्यक्रमले विद्यार्थी, अभिभावक र शिक्षकहरूलाई सजग बनाउन सहयोग पुर्याउने विश्वास व्यक्त गरे।
