वीरगंज । जेन–जी आन्दोलनका कारण वीरगंजमा लगाइएको कर्फ्यू बिहीबारदेखि पूर्णरुपमा हटाइएको छ । वीरगंजमा प्रत्येक दिन राती ९ बजेदेखि बिहान ५ बजेसम्मका लागि जारी कर्फ्यू आदेश हटाइएको हाे ।
पर्साका प्रमुख जिल्ला अधिकारी ताेय नारायण प्रसाद सुवेदीका अनुसार शान्ति–सुव्यवस्था कायम गर्न जारी गरिएको कर्फ्यू अब हटाइएको हो ।
तर जिल्ला सुरक्षा समितिको मिति २०८२ असोज २ गतेको निर्णयअनुसार वीरगंज महानगरपालिकाका केही क्षेत्रलाई भने स्थानीय प्रशासन ऐन २०२८ को दफा ६(ख) बमोजिम दङ्गाग्रस्त क्षेत्रको रुपमा निरन्तरता दिइएको छ ।
वीरगंजकाे घण्टाघर चौकदेखि गण्डक चौकसम्मको राजमार्ग क्षेत्र, कारागार कार्यालय, पर्सा र सोको कम्पाउण्ड क्षेत्र भित्रका स्थानलाई अझै दङ्गाग्रस्त क्षेत्र कायम गरिएको गरिएकाे छ । जिल्ला प्रशासनले यस दङ्गाग्रस्त क्षेत्रसम्बन्धी आदेश अर्को आदेश नभएसम्म यथावत रहने जनाएको छ ।
भदाै २३ गते रातिदेखि स्थानिय प्रशासनद्वारा निरन्त जारी हुँदै आएकाे कर्फ्यू जिल्लाकाे शान्ति–सुव्यवस्था कायम भएपछि बिहिबारदेखि मात्र पूर्ण रुपले हटेकाे हाे ।
जेनजि आन्दाेलनकाे क्रममा पर्साका पनि विभिन्न कार्यालय र नेताहरुकाे घरमा ताेडफाेड र आगजनी भएकाे थियाे ।
