वीरगंज । निजी तथा आवासीय विद्यालय अर्गनाइजेशन नेपाल (प्याब्सन) वीरगंजले आफ्ना सम्पूर्ण सदस्य विद्यालयलाई दशैं अघिका सरकारी विदा र शनिबारसमेत पढाइ सञ्चालन गर्न आग्रह गरेको छ । हाल हैजा र “जेन जी आन्दोलन” का कारण विद्यालयहरू निरन्तर सञ्चालन हुन नसकेकाले विद्यार्थीको अध्ययनमा परेको असर न्यूनिकरण गर्ने उद्देश्यले यो निर्णय गरिएको प्याब्सन वीरगंजका अध्यक्ष राहुल श्रीवास्तवले वताए ।
उनका अनुसार अबदेखि विद्यालयहरू नियमित सञ्चालन हुने भएका छन् । त्यस क्रममा विद्यालयले दशैं अघिका सम्पूर्ण सरकारी विदा (शनिबार समेत) लाई पठन-पाठनका लागि प्रयोग गर्ने र हरेक दिन एक अतिरिक्त पिरियड सञ्चालन गर्ने व्यवस्था मिलाइएको छ । यसअनुसार विद्यालयको छुट्टी समय दिउँसो ४:०५ बजे हुनेछ । शुक्रबारको दिन भने विदा रहने छैन र शनिबारको दिन हाफ डे सञ्चालन गरिनेछ । यसाे गर्न स्वेच्छिक रहेकाे छ । यो निर्णय जेनजी शोक विदा (असोज १ गते) र घटस्थापना विदा (असोज ६ गते) बाहेक लागू हुनेछ।
प्याब्सन वीरगंजलेले अभिभावकहरूलाई पनि असोज ९ गतेभित्र विद्यार्थीको शुल्क बुझाउन आग्रह गरेको छ । अध्यक्ष श्रिवास्तवले अभिभावकहरूले समयमा शुल्क बुझाए शिक्षक–शिक्षिकाहरूलाई दशैं पर्व उल्लासपूर्वक मनाउन सहज हुने बताए ।
यसैगरी प्याब्सनले सदस्य विद्यालयहरूलाई परीक्षाको विषयमा स्वइच्छाले निर्णय गर्न सक्ने व्यवस्था पनि गरेको छ । “जिम्मेवार अभिभावकको सहकार्यले मात्र उत्कृष्ट शिक्षा सम्भव हुन्छ” भन्ने विश्वास सहित प्याब्सनले अभिभावकको सकारात्मक सहयोग अपेक्षा गरेको छ ।
