वीरगंज । जिल्ला प्रहरी कार्यालय पर्साले बिरगंज बसपार्कबाट अन्दाजी १५ वर्षीया बोल्न नसक्ने बालिकालाई आइतबार उद्धार गरी मानवसेवा आश्रम वीरगंज शाखामा सुरक्षित राखेको छ।
बेलुका ४:३० बजे उद्धार गरिएको बालिकालाई आश्रममा लगेर सरसफाई, नुहाइधुहाइ गरी स्वास्थ्य परीक्षण गरिएकाे मानव सेवा आश्रम वीरगंजका संस्थापक दिवेश गुप्ताले जानकारी दिए । उनका डाक्टर भरत गोईज्यूको निगरानीमा आवश्यक औषधि उपचार गरिने व्यवस्था गरिएको छ।
उद्धार कार्यमा आश्रमका संस्थापक गुप्ता, जिल्ला प्रहरी कार्यालय पर्साका प्रहरी नायब उपरीक्षक बिटु कुमार सिंह, महिला सेलकी प्रहरी मिना बराल तथा आश्रममा कार्यरत प्रहरी जवान नगेश्वर यादवको सहभागिता रहेको थियो ।
