काठमाडौं । जारी जेन–जी प्रदर्शनमा मृत्यु हुनेको संख्या ५१ पुगेको छ । नेपाल प्रहरीका केन्द्रीय प्रवक्ता तथा डीआईजी विनोद घिमिरेका अनुसार काठमाडौं उपत्यकादेखि अन्य जिल्लासम्मका घटनाहरू जोडिँदा कुल मृतक संख्या ५१ पुगेको हो।
- Advertisement -
प्रहरीका अनुसार मृत्यु हुनेमध्ये तीन जना प्रहरी र एक भारतीय महिला समेत छन् । पहिलो दिनको प्रदर्शनमै २१ जनाको मृत्यु भएको थियो । त्यस्तै कैदीमात्रै नौ जनाको मृत्यु भएको छ भने बाल सुधार गृहमा रहेका पाँच जनाको ज्यान गएको छ । बाँकी मृतकहरू जलेको अवस्थामा भेटिएको प्रहरीले जनाएको छ ।
यसअघि यस्ता ठूलो संख्यामा मृत्यु हुने घटना कमै देखिएको भन्दै प्रहरीले स्थिति नियन्त्रणमा लिन सुरक्षा संयन्त्र कडाइ गरेको बताएको छ ।
