वीरगंज । बालसुधार गृह वीरगंजबाट फरार भएका १४६ जना कैदीबन्दीमध्ये ७८ जनालाई पर्सा प्रहरीले पुनः नियन्त्रणमा लिएको छ । अहिले पनि ६८ जना फरार रहेकाले उनीहरूको खोजी कार्य तीव्र पारिएको जिल्ला प्रहरी कार्यालय पर्साले जनाएको छ।
प्रहरीका अनुसार, जेन–जी आन्दोलनका कारण उत्पन्न अस्तव्यस्त परिस्थितिको फाइदा उठाउँदै बाल कैदीबन्दीहरू फरार भएका थिए।
यसैबीच, बुधबार बिहान वीरगंजको विर्तामा रहेको कारागारबाट पनि केही कैदीबन्दी भाग्ने प्रयास गरेका थिए । तर नेपाल प्रहरी, सशस्त्र प्रहरी र नेपाली सेनाको संयुक्त प्रयासमा उनीहरूलाई भाग्न असफल भएका थिए ।
प्रहरीले फरार रहेका बाँकी बालसुधार गृहका कैदीबन्दीहरूको खोजी भइरहेको र चाँडै नियन्त्रणमा लिइने विश्वास व्यक्त गरेको छ ।
