वीरगंज । जेन जि आन्दोलनको क्रममा मंगलबार भएको तोडफोड र आगजनीपछि वीरगंज महानगरपालिकाले अत्यावश्यक बाहेकका सबै सेवा बन्द गरेको छ।
मंगलबार जेन जि प्रदर्शनकाे क्रममा महानगरपालिका कार्यालयमा ताेड तथा आगजनी भएकाे थियाे । प्रदर्शनकारीहरुले गरेकाे ताेडफाेड र आगजनीका कारण महानगरपालिकाकाे कार्यालय संचालन रहेकाे भवनकाे सम्पूर्ण कोठामा क्षति पुगेकाे छ । आगजनीबाट कार्यालयको भौतिक संरचना, कागजात र सवारीसाधनहरू जलेर नष्ट भएका छन्।
महानगरपालिकाले बुधबार एक सूचना जारि गर्दै वारुण यन्त्र, स्वास्थ्यकर्मी, नगर प्रहरी र सरसफाई कर्मचारी बाहेकका अन्य कर्मचारीलाई अर्को सूचना नआएसम्म घरमै सुरक्षित रहन आदेश दिइएको छ । महानगरपालिकाकाे अत्यावश्यक सेवा बाहेकका सबै सेवा हाल ठप्प गरिएको महानगरपालिकाकाे प्रशासन तथा व्यवस्थापन महाशाखाले जनाएकाे छ ।
महानगरपालिकाले कर्मचारीको ज्यानमाथि खतरा हुन सक्ने भन्दै कार्यालय उपस्थित नहुन पनि आग्रह गरेको छ । प्रदर्शनकारीहरुले गरेकाे आगजनीका कारण महानगरपालिकाकाे कार्यालयमा राखिएकाे गाडीहरुमा समेत पूर्ण रुपले जलेर नष्ट भएका छन् ।
