Date
मङ्ल, मंसिर १, २०८३
Tue, November 17, 2026

शुशीला कार्कीकाे नेतृत्वमा “नागरिक सरकार” बनाउने प्रस्ताव

spot_img
spot_img

काठमाडौं । राजधानीस्थित जंगीअड्डामा बुधबार जेनजि आन्दोलनका प्रतिनिधिहरू र नेपाली सेनाबीच भएको भेटवार्तामा शुशीला कार्कीको नेतृत्वमा नागरिक सरकार गठन गर्ने प्रस्ताव आएको छ। उक्त प्रस्ताव नेपाली सेनाका प्रमुख अशोकराज सिग्देलसमक्ष पठाइएको उच्च सैनिक स्रोतले जनाएको छ।

एक उच्च सैनिक अधिकृतका अनुसार, जेनजि प्रतिनिधिहरूले कार्कीको नाम प्रस्ताव गरेसँगै अन्य सम्भावित नामबारे पनि छलफल चलिरहेको छ। सेनाले पूर्वप्रधानन्यायाधीश कार्कीसँग समेत संवाद गर्ने जनाएको छ।

बुधबार दिनभर जेनजि युवाहरूले सामाजिक सञ्जाल डिस्कर्डमा नेतृत्वको विषयमा छलफल गरेका थिए। सो क्रममा कार्कीको पक्षमा बलियो मत प्रस्तुत भएको थियो भने काठमाडौं महानगरका मेयर बालेन शाहको नाम पनि प्रस्तावमा आएको थियो। तर, उनी सम्पर्कमा नआएको कतिपयको गुनासो छ। मंगलबार बेलुकी उनले स्टाटस लेख्दै जेनजिलाई सेना प्रमुखसँग वार्ताका लागि तयार रहन भनेका थिए।

बुधबार बिहान जेनजि प्रतिनिधिहरू जंगीअड्डा पुगेपछि १५ जनाभन्दा बढीको समूहलाई सेनाप्रमुख सिग्देलले “पहिले आपसमा सहमति गरेर आउन” आग्रह गरेका थिए। त्यसपछि जंगीअड्डाकै एउटा कोठामा बैठक बसेको थियो।

बैठकमा केही व्यक्तिहरूले गणतान्त्रिक व्यवस्थाविरुद्ध समेत प्रस्ताव राखेका थिए। त्यही कारण “रक्षा बम” नामक समूह बैठकबाट बाहिरिएको बताइन्छ। यद्यपि अन्तिममा शुशील कार्कीको नेतृत्वमा नागरिक सरकार बनाउने प्रस्तावमा सहमति कायम भएको छ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

बर्वा छठघाटमा डिजेको आतंक मच्चाउने पाँच जना प्रहरी नियन्त्रणमा

वीरगञ्ज । छठघाटमा ठूलो आवाजमा डिजे बजाएर सार्वजनिक स्थलमा अशान्ति मच्चाएको तथा शान्ति सुरक्षामा खलल पुर्‍याएको आरोपमा पर्सा प्रहरीले पाँच जनालाई पक्राउ गरेको छ...

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...