Date
मङ्ल, मंसिर १, २०८३
Tue, November 17, 2026

महासंघद्वारा पत्रकार र सञ्चारगृहलाई सुरक्षा सतर्कता अपनाउन अपिल

spot_img
spot_img

काठमाडौं । मुलुक अहिले विषम परिस्थितिबाट गुज्रिरहेको अवस्थामा नेपाल पत्रकार महासंघले पत्रकार तथा सञ्चार संस्थाहरूलाई संयमता र सतर्कता अपनाउन अपिल गरेको छ ।

महासंघले जारी गरेको विज्ञप्तिमा संविधान र कानुनले सुरक्षित गरेको प्रेस स्वतन्त्रताको पूर्ण उपभोग गर्दै आचारसंहिताको पालना गरेर सत्यतथ्य, सन्तुलित र विश्वसनीय समाचार सम्प्रेषण गर्नुपर्नेमा जोड दिइएको छ । जनतालाई सुसूचित गर्ने दायित्व निर्वाह गर्ने क्रममा कुनै अवरोध नहोस् भन्नेमा महासंघ सचेत रहेको र आवश्यक समन्वय भइरहेको पनि जनाएको छ ।

महासंघले निषेधित क्षेत्र र कफ्र्यूको समयमा खटिने पत्रकारहरूले अनिवार्य रूपमा परिचयपत्र बोक्न, प्रेस लेखिएको ज्याकेट लगाउन, समूहमा रहनुका साथै आफ्नै सुरक्षालाई पहिलो प्राथमिकता दिन आग्रह गरेको छ । साथै सञ्चारगृह र पत्रकारहरूको सुरक्षामा व्यवस्थापन पक्षले विशेष ध्यान दिनुपर्ने पनि महासंघले जनाएको छ ।

यसबाहेक पत्रकार तथा सञ्चार माध्यममाथि धम्की, त्रास, आक्रमण वा अवरोध भएमा तत्काल महासंघका सम्बद्ध शाखा, प्रदेश समिति वा केन्द्रीय कार्यालयलाई जानकारी गराउन समेत महासंघले अनुरोध गरेको छ ।

महासंघका महासचिव रामप्रसाद दाहालद्वारा हस्ताक्षरित उक्त विज्ञप्तिमा जिम्मेवार पत्रकारितामार्फत लोकतन्त्रको रक्षा गर्न सबैलाई आह्वान गरिएको छ ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

बर्वा छठघाटमा डिजेको आतंक मच्चाउने पाँच जना प्रहरी नियन्त्रणमा

वीरगञ्ज । छठघाटमा ठूलो आवाजमा डिजे बजाएर सार्वजनिक स्थलमा अशान्ति मच्चाएको तथा शान्ति सुरक्षामा खलल पुर्‍याएको आरोपमा पर्सा प्रहरीले पाँच जनालाई पक्राउ गरेको छ...

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...