वीरगंज । काठमाडाैंस्थित जेनजीकाे प्रदर्शनमा भएकाे दमनविरुद्ध देशभर सहि वीरगंजमा जारी विरोध प्रदर्शन क्रमशः उग्र बन्दै गएको छ। मंगलबार वीरगंज महानगरपालिकाभित्र पार्किङमा रहेका केही गाडीमा आगजनी गरिएको छ।
प्रत्यक्षदर्शीका अनुसार प्रदर्शनकारीहरूले गाडीहरूमा आगो लगाएका हुन् । क्षतिको विस्तृत विवरण आउन बाँकी छ । आगो नियन्त्रणका लागि दमकल परिचालन गरिएको छ भने सुरक्षाकर्मीहरूले स्थिति नियन्त्रणमा लिने प्रयास गरिरहेका छन्।
यसैबीच, घण्टाघर नजिक रहेको नेपाल टेलिकमकाे कार्यालयमा समेत आगजनी भएको प्रहरीले जनाएको छ । त्यहाँ पार्किङमा रहेका गाडीमा पनि आगो लगाइएको थियाे । घटनापछि वरपरको क्षेत्रमा सुरक्षाकर्मीहरूको उपस्थिति बढाइएको छ र सुरक्षा सतर्कता कडा पारिएको छ।
यसैबिच वीरगंजस्थित आन्तरिक राजश्व कार्यालयमा समेत ताेडफाेड तथा आगजनीकाे घटना भएकाे प्रत्यक्षदर्शीहरुले वताएका छन् ।
यसअघि पनि प्रदर्शनकारीहरूले वीरगंजस्थित नेकपा एमाले पर्सा र नेपाली कांग्रेस पर्साको पार्टी कार्यालयमा आगजनी गरेका थिए । लगातारको आन्दोलन र आगजनी घटनाले वीरगंजकाे स्थिति तनावपूर्ण बनेको छ ।
