वीरगंज । पर्सा जिल्लाको कालिकामाई गाउँपालिकाले जेन जेड आन्दोलनको क्रममा प्रहरीको गोली लागी मृत्यु भएका युवाप्रति श्रद्धाञ्जली प्रकट गर्दै आज गाउँपालिका मातहतका सम्पूर्ण कार्यालय र शैक्षिक संस्थामा शोक विदा दिने निर्णय गरेको छ।
गाउँपालिकाले अध्यक्ष बशिष्ट कुमार गुप्ताको हस्ताक्षरमा सार्वजनिक गरेको विज्ञप्तिमा भनिएको छ– “हिजो देशव्यापी रुपमा भएको जेन जेड आन्दोलनमा धेरै युवा तथा विद्यार्थीले अल्पायुमै ज्यान गुमाएको घटनाले स्तब्ध तुल्याएको छ। दिवंगत आत्माले शान्ति पाओस्, शोकाकुल परिवारलाई धैर्य धारण गर्ने शक्ति मिलोस् भन्ने प्रार्थना गर्दछौँ।”
गाउँपालिकाले अत्यावश्यक सेवा बाहेकका सबै कार्यालय र विद्यालय मंगलबार बन्द रहने जानकारी गराएको छ।
