काठमाडौं । जेनजीहरूको प्रदर्शनमा मृत्यु हुनेको संख्या बढ्दै गएको छ । काठमाडाैंकाे सिभिल अस्पतालमा उपचाररत थप एक प्रदर्शनकारीको मृत्यु भएसँगै हालसम्म १४ जनाको ज्यान गएको स्वास्थ्य तथा जनसंख्या मन्त्रालय स्रोतले जनाएको छ ।
काठमाडाैंकाे विभिन्न अस्पतामा आज दिउँसो साढे ३ बजेसम्म १३ जनाको मृत्यु भइसकेकोमा पछिल्लो अपडेट अनुसार सिभिल अस्पतालमा थप एकजनाको निधन भएको हो ।
मन्त्रालय स्रोतका अनुसार, मृत्यु हुनेमध्ये ट्रमा सेन्टरमा ६, सिभिल अस्पतालमा ३, केएमसी अस्पतालमा १, त्रिवि शिक्षण अस्पतालमा १ र एभरेष्ट अस्पतालमा ३ जनाको मृत्यु भएको छ।
घाइतेहरूको यकिन विवरण भने अझै प्राप्त हुन बाँकी छ । सामाजिक सञ्जाल बन्द तथा भ्रष्टाचारकाे विरोधमा उत्रिएका जेनजीहरूको प्रदर्शनका क्रममा गम्भीर घाइते भएकाहरुकाे मृत्यु भएकाे हाे ।
