काठमाडौँ । नयाँ पत्रिका दैनिकका फोटो पत्रकार दिपेन्द्र ढुंगानालाई बानेश्वरमा भइरहेको प्रदर्शन कभरिङका क्रममा प्रहरीले चलाएको गोली लागेको छ । गोली लागेर घाइते भएका ढुंगानाको अहिले उपचार भइरहेको छ।
यसअघि कान्तिपुर टेलिभिजनका पत्रकार श्याम श्रेष्ठलाई पनि प्रहरीको गोली लागेको थियो । श्रेष्ठलाई तत्काल सिभिल अस्पताल पुर्याइएको र उपचार भइरहेको छ।
जेन जीकाे प्रदर्शन नियन्त्रणमा लिन प्रहरीले पानीको फोहरा, अश्रुग्याससहित रबरको गोली प्रहार गरेको थियो । प्रहरीको गोली पत्रकारमा लागेपछि प्रेस स्वतन्त्रता र सुरक्षाको विषयमा गम्भीर प्रश्न उठेको छ।
बानेश्वरमा भइरहेको प्रदर्शनका क्रममा प्रहरीले चलाएको गोली लागेर दर्जनौँ प्रदर्शनकारी घाइते भएका छन्। अहिलेसम्म कति प्रदर्शनकारी घाइते भएका छन भन्नेबारे एकिन तथ्यांक आइसकेको छैन् ।
